16
февраль
2023
«Алаш тағылымы – Тәуелсіздік негізі»
Ақпан айының 8-і күні Сырдария аудандық тарихи-өлкетану музейі №210 О.Әбілпаттаев атындағы орта мектеп және Тереңөзек кенті мәдениет үйімен бірлесіп, «Алаш тағылымы – Тәуелсіздік негізі» атты тақырыптық кеш өткізді. Тағылымы мол кешке қонақ ретінде ҚР Суретшілер Одағының мүшесі, Сырдария ауданының Құрметті азаматы, өлкетанушы Ж.Маханбет, Қазақстан Журналистер Одағының мүшелері, «Қазақ тілі» қоғамы Сырдария аудандық филиалының төрағасы Ш.Нұрсейітов және Халықаралық Жазушылар Одағының мүшесі, өлкетанушы Ж.Әубәкір қатысып, Алаш қозғалысы мен оның қайраткерлерінің өнегеге толы тарихы жайлы сөз қозғады. Сонымен қатар өз кезегінде аудандық мәдениет үйінің әншілері патриоттық негіздегі әндермен кешті әсерлендіре білді. Мәні мен маңызы зор шара қатысушыларға ерекше сезім сыйлап, мағынасы зор тарихи мәліметтермен қамтыды.