26
январь
2023
🏆🏆"Екі жұлдыз - 2023" ✨🎼
"Екі жұлдыз - 2023" 
Қазақ халқы қашанда өнер мен өнерпазға кенде болмаған ғой. Ал, ән әлеміндегі жұлдыздарымыздың орны бөлек. Аспан әлеміндегі сан жұлдыздың жарқырай көрінуі - бағының жанып, бабының келіскені деп ұғамыз. Осы орайда 23.01.2023ж күні ұстаздар мен оқушыларға шығармашылық қолдау көрсету, өнерге деген құштарлығын арттыру мақсатында №210 О.Әбілпаттаев атындағы орта мектебі мен Тереңөзек Кент мәдениет үйінің бірлесуімен "Екі жұлдыз - 2023" ән сайысы өткізілді. Сайысқа 9 жұп қатысып, 2 кезең бойынша сынға түсті.
1 кезең: Еркін тақырыптағы ән
2 кезең: Халық әні
Сайысқа қатысушы жұптарға әділ бағасын беретін әділ қазылар қатарында
- Мектеп директоры Сактапова Света Мұқтарқызы
- Тереңөзек Кент мәдениет үйінің аға әдіскері Сағынбайұлы Ербол
- Сырдария аудандық мәдениет үйінің әншісі Жакешова Динара қатысты.
Жұлдызды жұптарымыз өз әлдерінше 2 кезең бойынша әндерін орындап шықты.
Сайысымыздың қорытынды кезеңінде бабы мен бағы келіскен шын жүйріктер анықталып 4 қатысушы жұпқа мектеп директорының арнайы дипломы және кәсіподақ комитетінің бағалы сыйлықтары табысталса, қалған 5 қатысушы мектеп директорының арнайы алғыс хаттарымен және ынталандыру сыйлықтарымен марапатталды.