"ҮЙРЕН ЖАҚСЫ ӘДЕПТЕН... "

2024 жылдың ақпан айының 14 жұлдызы күні  5,6,7 сынып оқушылары арасында   “Сырғалым қыздар” клубы  және “Шебер қолдар” үйірмесінің бірігуімен“”Үйрен жақсы әдептен…”  тақырыбында "Даналық мектебі" клубының аналары мен  мектеп оқушылары арасында тәрбиелік мәні бар ауқымды іс-шара өтілді. Іс-шараны "Сырғалым қыздар " клубының жетекшісі А.Каюпова жүргізіп,  "Шебер қолдар" үйірме жетекшісі К.Досмағанбетова және Еңбек пәнінің мұғалімі Р.Әуезханова арнайы дайындалған көрмемен таныстырды.

Мақсаты, оқушыларды адамгершілікке, еңбексүйгіштікке, жаман әдеттен аулақ болуға, жақсылықтар мен жамандықтарды ажырата білуге, қазақтың ұлттық құндылықтарын дәріптеу.

Іс-шараны мектеп директоры Света Мұхтарқызы ашып, іс-шараның маңыздылығы төңірегінде ой қозғап, қыз балалар тәрбиесі жөнінде аналарға кеңес берді. 

 Мектеп директорының тәрбие ісі жөніндегі орынбасары А. Друмова сөз сөйлеп, құндылықтарымызды  оқушыға дәріптеп, баланың бос уақытын тиімді пайдалану мақсатында осындай шаралардың үнемі болатынын ескертіп қорытындылады.

Қай қоғамда, қай заманда өмір сүрмесін, ол қазақ қызы деген атқа лайық болуы қажет. Бойжеткендеріміз осыны ұмытпаса деймін.

 Ақыл да анадан дариды, дана да әйелден туады. Қыз бала тәрбиесін ұрпақ тәрбиесі деп қарау қажет. Бүгінгі қазақ бойжеткендері ертеңгі еріне адал жар, балаларының анасы.  Бүгін қыздарымыз өнегелі тәрбие алса, ертең ұрпақ тәрбиелейтін қазақтың дана аналарына айналары сөзсіз.