ҰСТАЗДАРДЫ ЖАҢАЛЫҚҚА БАСТАР ЖОЛ - ТӘЖІРИБЕ АЛАҢЫ

«Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының және Қызылорда облыстық Білім және ғылым қызметкерлерінің кәсіподақ комитетінің бірлесіп ұйымдастыруымен өткізілетін облыстық шығармашыл ұстаздардың «Тәжірибе алаңы» 2022 жылдың 2-5 қаңтар күндерінде ұйымдастырылуда.

"Тәжірибе алаңының" алғашқы күнінде облыстық кәсіподақ комитетінің төрайымы Г.Бабабекқызы тәжірибе алаңына 19 жыл толуымен құттықтай отырып, шығармашыл мұғалімдерге сәттілік тілесе, С.Кусейнов жұмыс барысымен таныстырды.

Өзара тәжірибе алмасу мақсатында өткізілген  Өрлеу  біліктілікті арттыру ұлттық орталығының тренері Ж.Жубауованың "Education scrum" (Білім айқасы) шеберлік сыныбында ұстаздар өз пікірлерін ортаға салып, белсенділік танытты.  

Кеш соңында Сырдариялық ұстаздар құрамасы "Ауыл кеші көңілді" мәдени шарасында оқ бойы, оза шауып I орын иегері атанды. 2-орынға Жаңақорған, 3-орынға Шиелі мен Жалағаш командалары табан тіреді.

Мәдени шаралармен қатар спорттық сайыстар да  өткізілді. "Тоғызқұмалақ" сайысында команда мүшесі #129 мектеп-лицейінің музыка пәнінің мұғалімі Опабеков Биболат III орын иеленді.

Осы орайда әріптестерімізге, жастарға қарап М.Жұмабаев атамыздың “Мен жастарға сенемін!” деген өлең шумақтарының шындыққа жанасып жатқандығына көз жеткізуге болады. Елдің ертеңі-біз жастар! Барлық әріптестерімізге сәттіліктер мен толағай табыстар тілейміз!