"Ашық есік күні"

2023 жылдың 9 ақпан күні О.Әбілпаттаев атындағы №210 орта мектебіне, кәсіби бағдар беру мақсатында, Сырдария аграрлы-техникалық колледжінен  үгіт- насихат тобы мамандары келді.Колледж мамандары  Мығымбаева Мақпал, Ахметов Бахытбек, Қожақова Алтын , Федотов Александр  мектептегі 9а,  б-сынып оқушыларымен кездесті.  Колледждегі әр түрлі мамандықтар түрлерімен, сонымен бірге әр мамандық саласы қазіргі заман талабына сай жаңа технологиялар базасымен, оқу бағдарламасымен  сабақтар  өтіліп, түскен  оқушыларға  28000тг  степендия берілетінін атап өтті. Колледжге  оқуға  түсуші оқушылардың әлеуметтік отбасына қарай,  жағдай жасалатынын хабардар етті. Колледжде әр мамандық  бойынша облыстық , республикалық , халықаралық деңгейдегі олимпиадалар мен жарыстарға қатысуға болатынын, колледждің ішінде түрлі жарыстар, сайыстар, іс-шаралар өткізілетінін ,атап өтті.  Алдағы уақытта колледжге оқуға түсем деген бітіруші түлектерге "Ашық есік күні" ұйымдастырылып жатқандығын және өз оқу орындарына  кәсіптік білім алуга шақырды. Оқушыларымызда колледждегі мамандықтар туралы біршама мәліметтер алды.