МЕКТЕП ОҚУШЫЛАРЫ АРАСЫНДАҒЫ АУДАНДЫҚ КҮЗГІ СПАРТАКИАДА

Бүгін аудандық білім бөлімінің ұйымдастыруымен N 37 мектеп-лицей базасында мектеп оқушыларының аудандық күзгі спартакиадасының КІШІ ФУТБОЛ (қыздар- ұлдар) спорт түрі  бойынша жарысы өткізілді. 

Аудандық спартакиаданың мақсаты: 

мектеп  оқушыларының  денсаулығын  нығайту, дене тәрбиесі  мен спорт жүйесін дамыту; 

салауатты өмір салтын қалыптастыру;

Спартакиада 8-11 сынып оқушылары арасында өткізілді. Спартакиадаға ауданымыздың 17 мектебінен 250 оқушы қатысып, спартакиаданың қорытындысы бойынша қыздар арасында жүлделі ІІІ орынды N 37 мектеп- лицей, ІІ орынды N  130 орта мектеп , І орынды N 36 мектеп-лицей командалары жеңіп алды. Ұлдар арасында жүлделі ІІІ орынды N 36 мектеп- лицей, ІІ орынды N  210 орта мектеп , І орынды N 137 орта мектеп командалары жеңіп алды. Жеңімпаз команда 29 қазан -07 қараша күндері Қызылорда қаласында өткізілетін облыстық күзгі спартакиадасына жолдама алды.