Иә, бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.

       Осы мереке қарсаңында №210 О.Әбілпаттаев атындағы орта мектебінде "Алғыс айту-парызым" тақырыбында мерекелік іс-шара ұйымдастырылды. Мерекелік іс-шараны мектеп директоры Сактапова Света Мұхтарқызы өзінің ізгі тілегін білдіріп ашып берді.

       Айтылған әсем ән,  өнерлі жігіттер мен қыздардың керемет биі көрерменге көтеріңкі күй сыйлады.

        Алғыс айту күні-Қазақстан халқын мәнгілікке біріктіруге бағытталған  «Мәңгілік ел» жалпыұлттық патриоттық идеясының қазақстандық бірегейліктің негізгі арқауы- еліміздің барлық ұлт пен  ұлысты бір шаңырақ астына топтастыратын Қазақстан Халқы Ассамблеясының күні .Өмірге риза болып, алғыс айт» деп халық даналығында  айтылғандай  адам өзінің  өмірге келгеніне қуанып, риза болады. Қолындағы  барын қанағат тұтып, осының да  бар болғанына   рахмет  деп алғысын  білдіреді. Алғыс пен ризашылық білдіру өзіңді , өмірді,  өмірде  барды  бағалаудан басталады. Ендеше,  бір- бірімізді  бағалап, қадірімізді  біліп,  алғыс  айта  жүрейік! 

Алғыс айту күнімен баршаңызды шын жүректен құттықтаймыз!

 оқушылардың бір - біріне,ұстаздарына алғыс айту мақсатында “Достық біздің тірегіміз” атты іс- шарасы өткізілді. 

Мақсаты, оқушыларды адамгершілікке, еңбексүйгіштікке, жаман әдеттен аулақ болуға, жақсылықтар мен жамандықтарды ажырата білуге, қазақтың ұлттық құндылықтарын дәріптеу.

Іс-шараны мектеп директоры Света Мұхтарқызы ашып, іс-шараның маңыздылығы төңірегінде ой қозғап, қыз балалар тәрбиесі жөнінде аналарға кеңес берді. 

 Мектеп директорының тәрбие ісі жөніндегі орынбасары А. Друмова сөз сөйлеп, құндылықтарымызды  оқушыға дәріптеп, баланың бос уақытын тиімді пайдалану мақсатында осындай шаралардың үнемі болатынын ескертіп қорытындылады.

Қай қоғамда, қай заманда өмір сүрмесін, ол қазақ қызы деген атқа лайық болуы қажет. Бойжеткендеріміз осыны ұмытпаса деймін.

 Ақыл да анадан дариды, дана да әйелден туады. Қыз бала тәрбиесін ұрпақ тәрбиесі деп қарау қажет. Бүгінгі қазақ бойжеткендері ертеңгі еріне адал жар, балаларының анасы.  Бүгін қыздарымыз өнегелі тәрбие алса, ертең ұрпақ тәрбиелейтін қазақтың дана аналарына айналары сөзсіз.

       Жақсы сөз жанға қуат береді. Әрине жақсы сөз көңіл құлпын ашатын кілт емес пе? Жақсы сөйлеп, адам көңілін елжіретіп, жақсылыққа жорудың өзі жақсылықтың, ырыс пен берекенің бастамасы болмақ. Ой мен тәнді жігерлендіретін, семіртіп те сергітетін, сүрінсең анаңның ыстық алақанындай жылытатын, қанатыңа жан бтіріп, қыран боп ұшсаң асқақтата биікке шарықтатып, қашан болмасын жанға жылу сыйлайтын ол ел зердесіне айналған-жақсыдан шыққан жақсы сөз.

           Арысы қазақ хандығынан бастап берісі егеменді елдің іргесіне дейінгі көшті жалғастырып келе жатқан, атадан тараған ұрпақтың парызы осы аманатты сақтау. Жәнібек пен Керейдің керген керегесін кілем үсті көтеріп, Отанды қастерлеп өту әрбір ұрпақтың міндеті.  

             №210 О.Әбілпаттаев атындағы орта мектебінде "16 желтоқсан- Тәуелсіздік күні" мерекесіне орай "Тәуелсіздік - тұғырым" тақырыбында мерекелік іс-шара ұйымдастырылды. Іс-шарада Туған жер, Отан тақырыбында өлең шумақтары оқылып, әндер шырқалды.

            Егемен елде дүниеге келіп, өсіп-жетілген жастардың санасы сергек, көзқарастары да, өмір салттары да өзгеше. Тіпті, Тәуелсіздікті ешбір дәлелді қажет етпейтін аксиома деп біледі. Бұл – егемендік ұғымы жастардың санасына берік орныққанын көрсететін қалыпты құбылыс. 

             Жаңа ғасырға құшағын кең ашып, үмітін үкілеп отырған халықтың көңілі – шат, жүзі – жайдары. Еркіндіктің таңы атты. Тәуелсіздіктің кемесіне мініп, міне,ХХІ ғасырда өмір сүріп жатырмыз. Тәуелсіздігіміз тұғырлы, мемлекетіміз ғұмырлы болсын!

             Өз жолы, өзіндік болашағы бар мәңгі тәуелсіз Қазақстанның тарихы жалғаса бермек! Біздің алға қойған мақсатымыз — өткенімізді білетін, бүгінді түсінетін, ертеңімізге сеніммен қарайтын азамат болу.  Жаса,жайна Қазақстан!

        Бұл дерттің қара бұлты бүкіл жер шарын басып келеді. Сондықтан осы аурудың алғашқы және негізгі белгілері, одан сақтану жолдары, аурудың алдын - алу тәсілдерін білгеніміз жөн. Осы орайда  №210 О.Әбілпаттаев атындағы орта мектебі мен Тереңөзек Кент Мәдениет үйінің бірлесуімен  «1 желтоқсан - Дүниежүзілік ЖИТС-ке қарсы күрес күніне» орай «Салауатты өмір салтын сақтаймыз» тақырыбындағы іс-шара  ұйымдастырылды. Денсаулық - тән, рухани және әлеуметтік игіліктің жиынтығы. Денені үнемі ширықтыру, шынықтыру, сананың сапа деңгейін көтеру, интеллект өрісін биіктету, рухыңды шыңдау - бәрі де денсаулыққа қызмет етеді десек қателеспейміз. Іс-шара қонағы ретінде  Сырдария аудандық ауруханасының АИТВ/ЖИТС кабинетінің маманы Оразбаева Ақжарқын Исаевна, емхана психологы  Төлепова Айнұр, Аудандық «Тіршілік тынысы» газеті бас редакторының орынбасары Мұханбетқали Аружан, мектепішілік ата-аналар комитетінің төрайымы Байтөлеева Серіккүл Тұрсынбекқызы қатысты.   Іс-шара мектеп жанынан құрылған «Жас толқын» мектеп театры мүшелерінің қойылымымен ашылып, мектеп оқушыларының флешмобымен жалғасын тапты.

        Сырдария аудандық ауруханасының АИТВ/ЖИТС кабинетінің маманы Оразбаева Ақжарқын Исаевна және емхана психологы  Төлепова Айнұр шараның маңыздылығына тоқталып, 21 ғасырдың  дертіне айналған індет жайлы ақпарат беріп өтті.  

       Адам баласы үшін ең кымбатты – оның мәнді де сәнді өмірі. Бүгінгі таңда заманымызға сай зерделі, ой-өрісі жоғары,жан-жақты дамыған ұрпақ қалыптастыру мемлекетіміздің алға қойған аса маңызды міндеті. Бүгінгі  жас буын  – ертеңгі болашағымыз.  

       Аудандық «Тіршілік тынысы» газеті бас редакторының орынбасары Мұханбетқали Аружан  сөз кезегін алып,  егемен еліміздің туын көкке көтеретін, елдің елдігін танытатын бүгінгі ұрпақ қоғамда өзіндік орны бар, тәрбиеліліктің жоғары үлгісін көрсете білетін,жан-жақты,білімді, өнерлі болу қажеттігін айтып, іс-шара төңірегінде  ойымен  бөліссе,  мектепішілік ата-аналар комитетінің  төрайымы Байтөлеева Серіккүл Тұрсынбекқызы  отбасындағы бала тәрбиесі жайлы тоқталып, ізгі тілегін білдірді.

        Халықтың денсаулығы – ел дамуының аса маңызды тұтқасы, болашағымыздың кепілі.Атамыз қазақтың «Денсаулық – зор байлық» деген секілді даналық мәтелдері тіршіліктің нағыз өзегінен алынған емес пе? Денсаулықтың қадірін, маңызын айрықша ұғынып барлық игіліктен жоғары санаған. Тағы да «Ауырып ем іздегенше, ауырмайтын жол ізде» деп жан мен тән саулығын қоршаған орта аясында дұрыс сақтап және нығайтуға түрлі пайдалы әрекеттер жасап отырған. 

        Шара соңында мектеп директоры Сактапова Света Мұхтарқызы ғасыр дертіне айналған індет жөнінде ойымен бөлісіп, іс-шараға қатысушы қонақтарға,оқушылар мен ата-аналарға алғысын білдірді. 

Сондай ақ  Сырдария аудандық ауруханасының АИТВ/ЖИТС кабинетінің маманы Оразбаева Ақжарқын Исаевна Дүниежүзілік  ЖИТС-пен күрес күніне орай АИТВ-ның алдын алу шараларын насихаттауға белсен атсалысқаны үшін №210 О.Әбілпаттаев атындағы орта мектеп ұжымына «ЖИТС-тің алдын алу және оған қарсы күрес жөніндегі облыстық орталығының» бас дәрігері Г.Максутованың арнайы алғыс хатын табыс етті

       Өсіп келе жатқан жастар-ілгері дамудың негізгі қозғаушы күші, еліміздің дүниежүзілік аренада бәсекеге қабілеттілігінің басты факторы, еліміздің салтын, дәстүрін келер болашаққа жеткізуші көпір. Болашақтың көпірі, біз, жастар, бар берілген мүмкіндікті дұрыс пайдаланып, артылған сенімді жауапкершілікпен  сезініп, аманат-елді болашаққа жеткізу.

        Болашақтың кепілі-дерт жабыспаған денсаулық, сыр бермейтін саулық.  Демек, өміріңіз бен нұрлы болашағыңыз өзіңіздің қолыңызда екенін ұмытпаңыз.

Аспаз мамандығы адам өмірінде жайлы жағдай тудырудың ең маңыздысы болып саналады. Аспаз өнері адамға өзінің  денсаулығын  нығайтуға, кейбір өнімдердің дәмдік сапасымен рахаттануға көмектеседі. Аспаз-өнері бұрынғы ғасырдан келе жатқан өнер және ең таңдаулы мамандықтардың бірі. Аспаз маманын-тек дәмді тағам дайындау үшін емес, өмірімізге ең қажетті маман ретінде қабылдауымыз керек. Бірлескен жобалар білім алушылардың сыни ойлауын, эмпатияны және қоғамдағы өзара әрекеттесу үшін маңызды әлеуметтік дағдыларды дамытуға мүмкіндік береді. Осы орайда оқушыларды еңбекке тәрбиелеу мақсатында "АСПАЗДЫҚ ЖОБА" аясында  № 210 О.Әбілпаттаев атындағы орта мектебінде 8-10 сынып оқушылары арасында "Үздік аспаз -2023" сайысы болып өтті. Сайысқа әр сыныптан бір оқушыдан қатысты, олар: 

8 а сыныбынан - Өмірбайқызы Аруназ

8 б сыныбынан - Сейіткамалұлы Ерхан

9 а сыныбынан  - Қарабасова Анар

9 б сыныбынан - Ерғабылова Тоғжан

10 а сыныбынан  - Әлібекқызы Азиза

10 б сыныбынан - Хабибуллаева Сания. 

Әділқазылар алқасы болып аудандық "Тіршілік тынысы" газетінің тілшісі Б.Жанәлі, кәсіпкер М.Өтепбергенова және мектеп директорв С.Сактапова болды. Сайыскерлер 4 кезең бойынша сайысқа түсіп, үздік болып жүлделі І орынмен 10 а сынып оқушысы Әлібекқызы Азиза , ІІ орынды  8 А сынып оқушысы Өмірбайқызы Аруназ,ІІІ орынды 9 б сынып оқушысы Ерғабылова Тоғжан жеңіп алды. Барлық жүлделі орын алған оқушыларға арнайы дипломдармен және кәсіпкер М.Өтепбергенованың демеушілігімен қаржылай сыйлықтармен марапатталды.

Акцияның мақсаты: әдебиетіміздің ең үздік туындыларын оқу және насихаттау, рухани адамгершілік және патриоттық тәрбие беру. 

Төлен Әбдікұлының шығармаларына оқушылардың қызығушылығын ояту. Қазақ тілі мен әдебиеті пәнінің мұғалімі Отарбаева Маржан Шакизадақызы Төлен Әбдікұлының өмірі мен шығармаларынан мағлұматтар беріп,"Оң қол" шығармасына талдау жасалды. 

Кітапханашы Камалова Сания Аманжолқызы Төлен Әбдікұлының жаңадан келген кітаптарын таныстырып өтті.